“Dövlət orqanları əlillərlə bağlı mövcud normativ-hüquqi qaydalara düzgün əməl etməlidir. Bütün yeni tikilən binalarda və obyektlərdə bu istiqamətdə lazım olan bütün detallar nəzərə alınmalıdır”.
Simsar.az-ın xəbərinə görə, bunu əmək və əhalinin sosial müdafiəsi naziri Səlim Müslümov tədbirdə deyib.
Nazir bildirib ki, əlillərin cəmiyyətə adaptasiyası, eləcə də onlara yazığı gəlmək kimi fikirlərin aradan qaldırılması vacib amilə çevrilməlidir: “Onların istənilən müəssisəyə daxil olması əlçatan olmalıdır. Yol kənarında gözdən əlillər üçün tikilən xüsusi yollar cəmiyyətin digər üzvləri üçün də yararlı olmalıdır. Təəssüf ki yol kənarlarında səkilərin hündür qoyulması əllillər üçün əngəl yaradır”.
S. Müslimov əlillərin sosial imkanlarının yaxşılaşdırılması məqsədilə yeni tədbirlər həyata keçiriləcəyini də qeyd edib: “ASAN Xidmət Mərkəzi ilə birlikdə Azərbaycanda indiyə qədər olmayan kiçik sexlər yaradılacaq. Avtomobil və dəmiryol vağzallarında gözdən əlil insanlar üçün əlverişli səkilərin qoyulmasına başlanılacaq”.
S. Müslümov deyib ki, universitetlərdə fiziki baxımdan problemi olan insanların uyğunlaşdırılması məsələsi Əllillər üzrə Proqrama da salınmalıdır: “Bu gün 5032 min nəfər əlil insan var və onların 25 faizi Bakıda yaşayır. Bu isə ölkə əhalisinin 4/1-i deməkdir. Biz ümid edirik ki, Avropa Olimpiya Oyunları başlayana qədər bu işlər üzərində müsbət dəyişikliklərə nail olacağıq. Hesab edirəm ki, cəmiyyətin istənilən üzvü hüquqlara eyni dərəcədə sahib olmalıdır”.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
