Almaniya Baş Naziri Angela Merkel, Türkiyəni İŞİD-ə qarşı “heç nə etməməkdə” günahlandırıb.
“Əslində bir NATO ölkəsindən vəzifələrini yaxşı bilməsi və ona görə hərəkət etməsi gözlənilir. İŞİD-lə mübarizə də Ankaraya görə vacib bir məsələ olmalıdır”. Simsar.az xəbər verir ki, Almaniyanın baş naziri Angela Merkel bu ifadə ilə mətbuatda Türkiyəni ittiham edib.
Merkel, dünən Hamburqda kürdlərlə Sələfilər arasındakı davaya işarə edərək, “Ankaranın mövqeyi bizə də təsir edir. Hadisələr bizə ziyan vurur” – deyib.
Baş Nazir, vəziyyətin olduqca qarışıq olduğunu və radikallaşmanı narahatlıq içində izlədiklərini bildirib.
“Kürdlər, türkləri də hədəf ala bilər”
Digır tərəfdən, Almaniya Daxili Kəşfiyyat İdarəsi BKA, Kobani aksiyalarının genişlənə biləcəyi xəbərdarlığını edib.
BKA Türkiyəni İŞİD-ə qarşı hərəkətə keçməməkdə ittiham edən kürdlərin, Almaniyada Sələfiləri hədəf aldığı kimi, yaxın günlərdə türkləri də hədəf ala biləcəyi haqqında raport hazırlayıb.
Vüsal Qarayev