Azərbaycan Dövlət Musiqili və Gənc Tamaşaçılar teatrlarının kollektivləri Qurban bayramı münasibətilə Bilgəhdəki Qocalar evinin sakinin görüşünə gediblər. Simsar.az xəbər verir ki, mərasimdə incəsənət ustalarımızın ifasında musiqili bədii proqram təqdim olunub.
Əməkdar artistlər Gülüstan Əliyeva, Nərgiz Kərimova, Səidə Şərifəliyeva, vokalçı Şaban Cəfərov öz mahnıları ilə məclisə şuxluq qatıblar. Xalq Artisti Yasin Qarayev, əməkdar artistlər Naibə Allahverdiyeva, Əkbər Əliyev, aktyorlar Günel Məmmədova və Elnur Hüseynov tamaşalardan fraqmentlər göstəriblər.
Sonda Qocalar evinin direktoru Qətibə Əsədova qayğıya və diqqətə möhtac qalan bu insanlara müqəddəs bir gündə mənəvi dəstək göstərən sənət adamlarına, teatrların rəhbərlərinə və bu xeyirxah təşəbbüsə qoşulan insanlara minnətdarlığını bildirib.