İslam dünyasının müqəddəs Qurban Bayramı bu gün başa çatır. Mübarək bayram günlərində imkanlı imkansıza əl tutur, evində qazan qaynamayan müsəlman qalmıır. Gözəl əməlli, xeyirsevər insanlar, Allah yolunda qurbanlar kəsib imkansızları sevindirirlər.
“İpək Yolu” şirkəti də bu mübarək əməli özünə vəzifə bilənlərdəndir. Şirkət, hər il olduğu kimi Azərbaycanın bir çox bölgəsində imkansız ailələrə qurban əti paylayaraq onları sevindirdi. Hacıqabul da belə rayonlardan biri oldu. Şirkətin əməkdaşları şəxsən qurbanlıq heyvanların kəsimində və ətlərin paylanmasında iştirak etdilər. Təxminən 500 kq-dan çox ət rayonda yaşayan şəhid ailələrinə, Qarabağ və Çernobl əlillərinə, həmçinin digər imkansız ailələrə paylandı. Qurban paylarını almağa gələ bilməyən vətəndaşlar da yaddan çıxmadı. İpək Yolu-nun əməkdaşları onların da paylarını qapılarına apararaq şəxsən təqdim etdilər.
Vüsal Qarayev