“Müsavat Partiyasından kimsə, nəsə tələb edə bilməz”.
Bunu Simsar.az-a Müsavat başqanının müavini Gülağa Aslanlı partiya başqalığına keçmiş namizəd Qubad İbadoğlunun “Müsavatın maliyyə mənbələri haqda hesabat verilsin”- tələbinə cavab verərkən deyib.
O bildirib ki, Müsavat partiyasından ancaq nəsə xahiş etmək olar. Ediləcək xahiş də rəsmi şəkildə təqdim edilməlidir: “Xahişlər və ya təkliflər “Facebook” vasitəsiylə yayımlanmır. Rəsmi şəkildə təqdim olunur və bundan sonra araşdırılır. Təkliflərini təqdim etsinlər, sonra biz həmin təklifin dəqiqliyini və düzgünlüyünü yoxlayaq. Bundan sonra hesabat verək”.
Başqan müavini deyib ki, Müsavat Partiyası 22 ildir hakimiyyətə maliyyə hesabatı verir. Eyni zamanda, səmimi şəkildə müraciət edən müsavatçılara da hesabatı təqdim etməyə hazırdır.
Hüseyn İbadlı