Noyabrın 17-dən 22-dək Nizami Kino Mərkəzində Mədəniyyət və Turizm, Gənclər və İdman nazirlikləri və Milli Olimpiya Komitəsinin birgə təşkilatçılığı ilə ikinci Bakı Beynəlxalq idman filmləri festivalı keçiriləcək.
Mədəniyyət və Turizm Nazirliyinin mətbuat xidmətindən Simsar.az-a bildirilib ki, festivalın məqsədi bütün idman növlərinə həsr olunan, idmanın inkişafına təkan verə biləcək filmləri təbliğ etmək və ən yaxşı film müəlliflərini həvəsləndirməkdir.
Festival 2015-ci ildə Bakıda təşkil olunacaq ilk Avropa Oyunları ərəfəsində ölkəmizin idman potensialına diqqəti cəlb etməyi də qarşısına məqsəd qoyub.
Festivala təqdim olunan filmlər kinematoqrafçılar və idman ekspertlərindən ibarət 7 nəfərlik beynəlxalq münsiflər heyəti tərəfindən qiymətləndiriləcəkdir.
Münsiflər heyəti hər 5 kateqoriya üzrə üç film müəyyən edəcək. Qaliblərə diplom, xatirə hədiyyəsi və pul mükafatları təqdim olunacaq. Festivalın ən yaxşı filmi isə “Qran-pri”yə layiq görüləcək.
Festival çərçivəsində seminarlar, film müəllifləri ilə idman mütəxəssisləri və KİV təmsilçiləri arasında müzakirələr keçirəcəkdir.
Filmləri festivalın www.bisff.az saytı vasitəsilə təqdim etmək olar.
Bakı Beynəlxalq idman filmləri festivalı mənzil qərargahı Milan şəhərində yerləşən İdman Kino və Televiziya Filmləri Beynəlxalq Federasiyasının (FİCTS) üzvüdür.
Festivalla bağlı daha ətraflı məlumatı www.bisff.az veb-saytından əldə etmək mümükündür.
Günel
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
