ABŞ-ın NBC televiziya kanalının operatoru Liberiyada Ebola virusuna yoluxub.
Simsar.az-ın məlumatına görə, televiziya kanalının rəsmi saytı xəbər verir ki, sentyabrın 30-a özünü pis hiss edən operator dərhal həkimə müraciət edib.
Telekanalın direktoru Debra Terness bildirib ki, operator yaxşı təchiz olunmuş tibb müəssisəsində müalicə olunacaq. Ailə üzvləri isə qarantinə alınıb. Qarantin dövrü bitdikdən sonra operator və ailə üzvləri ABŞ-a göndəriləcək.
Direktor hazırda kanalın əməkdaşının özünü yaxşı hiss etdiyini də deyib.
Xatırladaq ki, bu Ebolaya yoluxan 5-ci ABŞ vətəndaşıdır.
Ümumdünya Səhiyyə Təşkilatının məlumatına əsasən isə 7178 nəfər bu virusa yoluxub, 3338-i ölüb.
Simsar.az