İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti növbəti monitorinqlər keçirib.
Nazirliyin mətbuat xidmətindən Simsar.az-a bildirilib ki, monitorinq zamanı Bakının Sabunçu, Binəqədi rayonlarında, eləcə də Sumqayıt, Bərdə, Qusar, Göygöl, Qazax, Neftçala, Ağcabədi, Şabran, Şəki, Qax, Balakəndə mağazalarda saxlama müddəti ötmüş malların satıldığı aşkarlanıb.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.
Vüsal Qarayev