Millət vəkili Çingiz Qənizadə, Simsar.az saytının 5 əməkdaşının, Hacıqabul rayonunda, şəhid ailəsindən reportaj hazırlamaq istədikləri üçün saxlanılmalarına münasibət bildirib.
Millət vəkili deyib ki, jurnalistin könüllülüyü əsasında istənilən şəxsdən müsahibə almaq hüququ var. Jurnalist hansısa rayondan reportaj hazılamaq üçün İcra Hakimiyyətində qeydiyyatdan keçməməlidir: “Bu jurnalistin fəaliyətinə müdaxilədir. Bu dövlət obyektlərinə getmək deyil, bu vətəndaşın evinə getməkdir. Əgər o könüllü müsahibə vermək istəyibsə, bunun qarşısının alınması yolverilməzidr. Bu düzgün deyil. Dərhal Daxili İşlər Nazirliyi adına müraciət edin. Polisin sizə qarşı hərəkətləri qanunsuzdur. Ümumiyyətlə, polisin müdaxiləsi yolverilməzdir. Könüllülük əsasında hər kəsin müsahibə vermək hüququ var. Sizin yuxarı orqanlara şikayət etmək hüququnuz var”.
Qeyd edək ki, oktyabrın biri, Simsar.az saytının Hacıqabul rayonuna ezam olunmuş 5 əməkdaşı, reportaj hazırladıqları üçün Cinayət-Axtarış şöbəsinin, Rayon İcra Hakimiyyətinin, rayon yol polisinin və polis idarəsinin əməkdaşları tərəfindən saxlanılaraq, 4 saat polis şöbəsində saxlanılıblar.
Vüsal Qarayev
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
