Simsar.az xəbər verir ki, Simsar.az-ın beş nəfər əməkdaşı Hacıqabul rayon polis şöbəsində 4 saat saxlanıldıqdan sonra sərbəst buraxılıblar. Rayonun çıxışında bir daha yol patrul əməkdaşları tərəfindən maşının sənədləri yoxlanılıb.
***18:40
“O, bizim şəhidimizdir, sizin ziyarətinizə icazə yoxdur”.
Simsar.az xəbər verir ki, Hacıqabula ezam olunmuş əməkdaşlarımıza qarşı şəhər Hüquq mühafizə orqanları tərəfindən anlaşılmaz münasibət göstərilir. Bir neçə gün öncə şəhid olmuş Azərbaycan Silahlı Qüvvələrinin zabiti, leytenant Baxışlı Allahverdi Əbülfəz oğlunun ailəsini ziyarətə gedən əməkdaşlarımız Şəhər İcra Hakimiyyəti və Hüquq mühafizə orqanları tərəfindən təqibə məruz qalıblar. İki xidməti avtomobillə əməkdaşlarımızı izləyən şəxslər maşının qarşısını kəsib özlərini Cinayət-Axtarış şöbəsinin nümayəndələri kimi təqdim ediblər. Əməkdaşlarımızın “biz şəhidimizin ailəsini ziyarət üçün gəlmişik” – sözlərinə cavab isə maraqlı olub: “O, bizim şəhidimizdir, sizin ziyarətinizə icazə yoxdur”.
Hazırda xidməti avtomobillər və patrul xidməti müşayəti ilə əməkdaşlarımız rayon polis şöbəsinə aparılır.
Qeyd edək ki, bu gün səhər saatlarından etibarən Simsar.az-ın beş nəfər əməkdaşı Hacıqabula şəhid zabitimizin ailəsini ziyarət üçün ezam olunublar.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
