Bakıda koreyalıların möhtəşəm şousu - FOTOLAR - VİDEO
Dövlət Akademik Opera və Balet Teatrında Azərbaycanda Koreya Festivalı çərivəsində”Gamblerz və Crew” və “Animation Crew” komandaları ilə “Soul” qrupunun “Yüksəkliyə uçuş” adlı qala konserti keçirilib
“Yüksəkliyə uçuş” qala konserti Riçard Bax tərəfindən yazılmış “Conatan Livinqston adlı Dəniz Qağayısı” adlı hekayəsinin hip-hop rəqsi formasında yenidən işlənməsidir. Konsert Koreyanın dünya şöhrətli hip-hop ”Gamblerz və Crew” və “Animation Crew” komandalarının peşəkar rəqqaslarının iştirakı ilə xüsusi qala şou şəklində formalaşdırılmışdı.
Musiqi isə Koreyanın qadınlardan ibarət tanınmış qrupu olan “Season of Soul” tərəfindən icra olunurdu. Onlar dünya şöhrətli “Bi-boys” ifaçılarının heyranedici hərəkətlərini öz musiqiləri ilə müşayiət etməklə Koreya ənənəvi musiqi və üslubunu təqdim edirdilər. Bildirək ki, Koreya Festivalı Koreyanın geniş şəkildə təqdim etmək məqsədilə müxtəlif tədbirlər vasitəsilə həyata keçirilir. 2014-cü ildə Koreya Festivalı müxtəlif ölkələrdəŞ o cümlədən Qazaxıstan, Özbəkistan, Rusiya, Belarus, Gürcüstan və Azərbaycanda keçirilir. Bu il Koreya Festivalı Koreya ənənəvi musiqi və rəqs, caz, Bi-Boys rəqsi, zərb alətlərində ifa, Koreya xalq yaradıcılığı sərgiləri, Koreya tədqiqatları üzrə mühazirə silsiləsi, Koreya dili seminarı, sosial töhvə fəaliyəytin təqdim edəcək.
Konsertdə “Free style”, “Saliors song” və digər nömrələr tamaşaçıların gur alqışları ilə qarşılanıb.