ABŞ Gürcüstanın sabiq prezidenti Mixail Saakaşviliyə işçi vizası verməkdən imtina edib.
Bu barədə azvision.az Gürcüstanın “Alia” qəzetinə istinadən xəbər verir.
Məlumata əsasən, ABŞ siyasi elitası Saakaşviliyə olan inamını itirib. Artıq sabiq prezidenti Ağ Evdə demək olar ki, dəstəkləyən adam yoxdur. ABŞ-ın hazırkı prezidenti Barak Obamanın komandası Gürcüstanın sabiq prezidentinə inanmır.
Qəzet vurğulayıb ki, Saakaşviliyə işçi sığınacağı verilməyəcəyi təqdirdə o bu ölkədə siyasi sığınacaq ala bilməyəcək.
Gürcüstanın sabiq prezidenti Mixail Saakaşvili özü isə vizanın verilməməsi ilə bağlı xəbəri şərh etmir.