Milli Məclisin bu günkü plenar iclasında çıxış edən parlamentin sədri Oqtay Əsədov Avropa Parlamentinin Azərbaycana qarşı çıxardığı tənqidi qətnaməyə münasibət bildirib.
Simsar.az-ın məlumatına görə, spiker deyib ki, Avropa Parlamentinin Azərbaycana qarşı çıxardığı qətnamə qeyri-obyektiv və əsassızdır: “Bu qətnaməyə imza atan Avropa Parlamentinin 46 deputatından 45-i Azərbaycanda olmayıb. Ona görə də, Azərbaycan bu cür beynəlxalq təşkilatlarla əməkdaşlığına yenidən baxmalıdır”.
O. Əsədov Avropa Parlamentinin Azərbaycanla münasibətini tənzimləmək üçün deputatlardan ibarət heyətin yaradılmasını da təklif edib: “Təklif edirəm ki, Yevda Abramov, Qüdrət Həsənquliyev, Məlahət İbrahimqızı və Xanlar Vəliyev həmin heyəti təşkil etsinlər”.
Elmar Hüseynov