Azərbaycan Dövlət Musiqili Teatrı Xalq Artisti Cənnət Səlimovanın bir müddət əvvəl quruluş verdiyi “O olmasın, bu olsun” əsərinə yenidən müraciət edib.
Teatrın mətbuat xidmətindən Simsar.az-a bildirilib ki, bu dəfə əsas rolları ifa edən aktyorlar sırasına indiyəcən səhnədə ciddi obrazları ilə tanınan əməkdar artistlər Şövqi Hüseynov (Məşədi İbad), Səidə Şərifəliyeva (Gülnaz) və gənc vokalçı Amil Məmmədov (Sərvər), cəlb olunub. Hazırda hər üç ifaçının iştirakı ilə tamaşa üzərində ciddi məşqlər gedir.
Xalq Artisti Cənnət Səlimova aktyorların işindən razılığını ifadə edərək, onların öz rollarına ciddi yanaşdıqlarını söyləyib.
Beləliklə, Musiqili Teatrın tamaşaçılarını 105-ci mövsümdə maraqlı və yaddaqalan görüşlər gözləyir.
Günel