“İsa Qəmbərin Müsavat başqanlığından getməsi həm partiya üçün, həm də müxalifət üçün böyük itgidir”.
Bunu Simsara.az-a Azərbaycan Demokrat Partiyasının (ADP) sədri Sərdar Cəlaloğlu deyib.
O bildirib ki, nə qədər optimist rəylər olsa da, İsa Qəmbərin getməsi yalnış hərəkətdir: “Hesab edirəm ki, təşkilatçılıq qabiliyyətinə, xalq hərəkatında iştirakına və təşkilatı daha dərindən tanıdığına görə Arif Hacılı Müsavat başqalığına daha layiqli namizəddir”.
S. Cəlaloğlunun sözlərinə görə, Arif Hacılının başqanlığa layiqli şəxs olması isə qurumun monolitliyinin saxlanılmasına kifayət etmir: “Çünki namizədlərin topladığı səslər bərabərdir. Qubad İbadoğlu partiyada hər hansı mövqe tutmadığı halda parçalanma qaçılmazıdır. O, özü də ikinci mövqe tutmaqdan imtina edir. Bu da ondan xəbər verir ki, müsavatda böyük parçalanma olacaq”.
Hüseyn İbadlı