Uzunluğu 57 kilometr olan Quba-İspik-Xınalıq yolu yenidən qurulur.Simsar.az xəbər verir ki, təmir, bərpa və genişləndirmə işləri yolun dağlıq ərazilərdən keçən hissələrində, təbii aşınma, torpaq sürüşməsi və digər təbiət hadisələri nəticəsində dağılan sahələrdə aparılır. Qubadakı 6 saylı Yol İstismarı İdarəsinin briqadası hazırda Quba-İspik-Xınalıq yolunun 53-cü və 54-cü kilometrliyində çalışır. Bu ərazilərdə qaya parçaları partladılıb. Oktyabr ayında isə yolun 38-ci və 47-ci kilometrliklərindəki qayalar partladılacaq.