Vyanada “Konzerthaus” mədəniyyət evində Azərbaycanın və Avstriyanın musiqiçiləri birgə konsert proqramı ilə çıxış ediblər.
Simsar.az xəbər verir ki, “Azərbaycan dostluq konserti” silsiləsindən reallaşan konsertin birinci hissəsində “Odlar Yurdu” ansamblı Azərbaycan xalq mahnıları və muğamlarını ifa edib. İkinci hissədə isə Azərbaycanın Xalq Artisti Rauf Abdullayevin dirijorluğu ilə Vyana Kamera Orkestri azərbaycanlı solistlərin iştirakı ilə davam edib. Konsertdə Üzeyir Hacıbəyli, Volfqanq Amadeus Motsart, Tofiq Quliyev, Niyazi, Cüzeppe Verdi, Rauf Hacıyev və digər bəstəkarların əsərləri səsləndirilib. Xalq Artisti Murad Hüseynovun fortepianoda ifası və Azərbaycan Dövlət Opera və Balet Teatrının solisti İlahə Əfəndiyeva və vokal ifaçısı Ramil Qasımovun səsləndirdiyi musiqi əsərləri tamaşaçılar tərəfindən böyük rəğbət və alqışlarla qarşılanıb.
Belə konsertlər Azərbaycan ilə Avstriya arasında mədəni əlaqələri dərinləşdirmək, Azərbaycan bəstəkarlarının Şərq və Qərb musiqisinin çalarlarının əks olunduğu əsərlərini avropalı musiqisevərlərə tanıtmaq və ümumilikdə Azərbaycan musiqi mədəniyyətini təbliğ etmək məqsədilə mütəmadi olaraq təşkil olunur.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
