“Uşaq bağçalarında yaşayan məcburi köçkünlərin evlə təmin olunma prosesi ləğv olunub”
Bakı şəhəri ərazisindəki uşaq bağçalarında yaşayan ailələrin köçürülmələri təmin olunub. Bunu Simsar.az-a açıqlamasında Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətinin rəhbəri Elçin Qədimov deyib. O, bildirib ki, köçkünlərin bağçalardan köçürülməsi üçün zərurət yaranarsa bu məsələyə yenidən baxılacaq.
Yataqxanalar və digər obyektlərdə məskunlaşan məcburi köçkünlərin isə evlə təmin olunması gələcəkdə mərhələli şəkildə həyata keçiriləcək.
“Hazırda məcburi köçkünlər üçün ölkənin 10-a yaxın rayonunda 7-8 qəsəbənin tikintisi aparılır. Bərdə, Göygöl, Mingəçevir, Hacıqabul, Beyləqan, Saatlı və digər rayonlarda məcburi köpçkünlərin evlə təmin olunması olunması üçün tikinti işləri davam edir. Bu il ərzində 21 min məcburi köçkünün mənzil-məişət şəraiti yaxşılaşdırılacaq”.
Aysel Kərimova