Prezident İlham Əliyev Rusiya Liberal-Demokrat Partiyasının (LDP) sədri, Dövlət Dumasının deputatı Vladimir Jirinovskini qəbul edib.
ANS TV-nin məlumatına görə, görüşdə Azərbaycanla Rusiya arasında ikitərəfli münasibətlərin uğurlu inkişafı vurğulanıb, əlaqələrin möhkəmlənməsində parlamentlərarası əməkdaşlığın rolu qeyd edilib, söhbət zamanı iki ölkənin ali qanunvericilik orqanları arasında əməkdaşlığın bundan sonra daha da genişləndirilməsi üçün yaxşı imkanların olduğu bildirilib.
Vladimir Jirinovski Bakıya səfəri çərçivəsində 23 saylı orta məktəbə baş çəkib. Rusiyanın Liberal-Demokrat Partiyası sədri daha sonra Bakı Slavyan Universitetində olub. Azərbaycanda Rus dilinin qorunmasını yüksək qiymətləndirib. Azərbaycanda ilk dəfədir ki, olan Jirinovskinin ölkəmizlə bağlı təəssüratları da gözəldi. Jirinovski Bakıda görüşləri ilə bağlı fikirlərini ANS-lə bölüşüb.
"Gözəl şəhəriniz, gözəl xalqınız var. Rəhbəriniz İlham Heydəroğlu da çox gözəl insandı. Azərbaycanla Rusiya arasında münasibətlər də yüksək səviyyədədir. Gözəl mədəniyyət sahibisiz, mən 40 ildir ki, burda olmamışam. Biz bir-birimizi tanımağa vaxt tapa bilmirik, Qərbə, Afrikaya uçuruq, amma yaxın yerlərə getmirik, bir sözlə təəssüratlarım gözəldir”.
Jirinovskinin sabah Milli Məclisdə görüşlərinin olacağı, Dövlət Bayrağı meydanına, həmçinin Fəxri və Şəhidlər xiyabanına baş çəkəcəyi gözlənilir.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
