Müsavat Partiyasının başqanı İsa Qəmbər partiyanın VIII qurultayı qabağı bu vəzifədə sonuncu mətbuat konfransını keçirib.
Simsar.az-ın məlumatına görə, qurultayı Müsavatın tarixində önəmli hadisə kimi xarakterizə edən İ. Qəmbər bildirib ki, qurultayda Nizamnamə və proqramda müəyyən dəqiqləşdirmələr, dəyişikliklər nəzərdə tutulub.
İ. Qəmbər partiya başqanlığı uğrunda gedən mübarizəni də önəmli hadisə hesab edib: “Bunun üçün öncədən zaman müəyyənləşdirilir. Bu, Müsavatın ənənəsidir. Amma sabah başlanacaq qurultayda daha önəmli bir addım atılacaq. Bu, başqanın dəyişməsi ilə bağlı seçkilərdir”.
Qeyd edək ki, Müsavat Partiyası sentyabrın 27-də Əmircan qəsəbəsindəki Səttar Bəhlulzadə adına mədəniyyət evində səkkizinci qurultayını keçirəcək. Qurultayda yeni başqan seçiləcək. Başqanlığa dörd namizəd var. Bunlar Arif Hacılı, Qubad İbadoğlu, Tural Abbaslı və Səxavət Əlisoydur.
İsa Qəmbər isə partiya bərpa olunan tarixdən – 1992-ci ildən qurumun başqanıdır.
Simsar.az