“Mənə Ədliyyə Nazirliyinin Penitensiar Xidmətin təcridxanalarında və cəzaçəkmə müəssisələrində monitorinq keçirməyə icazə verilmir”.
Bunu Simsar.az-a açıqlamasında İşgəncələrə Qarşı Azərbaycan Komitəsinin sədri Elçin Behbudov deyib.
E. Behbudov qeyd edib ki, o əvvəllər görüşdüyü jurnalist və hüquq müdafiəçisi Pərviz Həşimli ilə də artıq görüşə bilmir.
O, bunun səbəbini Pərviz Həşimli haqqında yekun qərarın çıxarılması ilə izah edib: “Pərviz Həşimli barəsində artıq hökm verilib, 8 il azadlıqdan məhrum edilib. Bu səbəbdən mən artıq onunla görüşmürəm”.
Komitə sədri son vaxtlar keçirdiyi monitorinqlər barədə də məlumat verib: “Mən mütəmadi olaraq müxtəlif təcridxanalarda və saxlanma yerlərində monitorinqlər keçirirəm. MTN-nin təcridxanasında hər şey qaydasındadır. DİN-in müvəqqəti saxlanma kameralarında isə vəziyyət ötən illərlə müqayisədə xeyli yaxşıdır”.
Ülviyyə Cövdətqızı