Tiflisdə şərq tərəfdaşlığı ölkələrinin işğal olunmuş ərazilərinə edilən qanunsuz səfərlərlə bağlı beynəlxalq konfrans keçiriləcək.
Azərbaycan Respublikasının Prezidenti yanında Qeyri-Hökumət Təşkilatlarına (QHT) Dövlət Dəstəyi Şurasının mətbuat xidmətindən Simsar.az-a verilən məlumata görə, qurumun sədri Azay Quliyev 25-27 sentyabr tarixlərində Tiflisdə “Şərq tərəfdaşlığı ölkələrinin işğal olunmuş ərazilərinə qanunsuz səfərlərin hüquqi nəticələri” adlı beynəlxalq konfransda iştirak etmək üçün Gürcüstanda səfərdə olacaq.
Şuranın dəstəklədiyi layihə çərçivəsində təşkil olunan tədbir Gürcüstan, Moldova və Azərbaycanın işğal olunmuş ərazilərinə qanunsuz səfərlərin qarşısının alınması üçün müvafiq təklif və mexanizmlərin hazırlanmasına həsr olunacaq.
Konfransda BMT, ATƏT və Avropa İttifaqının təmsilçiləri ilə yanaşı şərq tərəfdaşlığı proqramına daxil olan Gürcüstan, Moldova, Azərbaycan və digər ölkələrin yüksək vəzifəli şəxslərinin iştirakı və çıxışı da nəzərdə tutulub. Azərbaycan tərəfindən Şura sədri Azay Quliyev işğal altında olan Dağlıq Qarabağ və digər bölgələrə edilən qanunsuz səfərlər və onun nəticələri haqqında məruzə ilə çıxış edəcək.
Tədbirə həmçinin azərbaycanlı millət vəkilləri Bəxtiyar Əliyev, Asim Mollazadə və yerli vətəndaş cəmiyyəti təşkilatlarının nümayəndələri qatılacaq.
Simsar.az
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
