“Bunu Çingiz Qənizadədən soruşun”
“Mən Leyla Yunusun saxlanıldığı təcridxanada monitorinq keçirə bilmərəm”. Bu sözləri İşgəncələrə Qarşı Azərbaycan Komitəsinin sədri Elçin Behbudov hüquq müdafiəçisi Leyla Yunusun saxlanıldığı təcridxanada döyülməsi ilə bağlı yayılan məlumatlara münasibət bildirərkən səsləndirib.
Komitə sədrinin sözlərinə görə onun Leyla Yunusla görüşməsinə icazə yoxdur. Bu səbəbdən döyülmənin həqiqətən baş verib verməməsi ilə bağlı heç bir fikir söyləyə bilməz. “Leyla Yunus hazırda 1 saylı İstintaq Təcridxanasında saxlanılır. Həmin təcridxanaya mənim buraxılmağım üçün icazə yoxdur. Bu səbəbdən mən orada monitorinq keçirə bilmərəm. L.Yunusun işgəncəyə məruz qalıb qalmamasını Çingiz Qənizadədən soruşun”.
Ülviyyə Cövdətqızı