Bir müddət əvvəl Bakının Binəqədi rayonu 115 saylı ümumtəhsil məktəbində keçirilən mərasim zamanı müəssisənin direktoru Tanrıverdi Orucov bir neçə müəllimin Sınaq Qiymətləndirilməsində zəif nəticə göstərdikləri üçün işdən azad olunduğuna dair açıqlama vermişdi.
Simsar.az-ın məlumatına görə, T. Orucov bu barədə 15 sentyabr Bilik Gününə həsr olunmuş mərasimdə çıxışı zamanı bildirmişdi. Direktor səbəb kimi Sınaq Qiymətləndirilməsində müəllimlərin zəif nəticə göstərdiklərini demişdi .
Bakı Şəhəri üzrə Təhsil İdarəsi isə Simsar.az-a məktəb direktorunun açıqlamasını təkzib edən cavab verib.
İdarənin Beynəlxalq əlaqələr və ictimaiyyətlə əlaqələr sektorunun müdiri Arzu Tairquliyeva Simsar.az-ın sorğusuna cavab olaraq bildirib ki, Sınaq Qiymətləndirilməsinin nəticələri müəllimin işdən azad edilməsinə səbəb ola bilməz: “Məktəb rəhbərliyi dərs bölgüsü apararkən, müəllimin vəzifədə irəli çəkilməsi kimi məsələlərdə Sınaq Qiymətləndirilməsinin nəticələrinə əsaslana bilər”.
Qeyd edək ki, BŞTİ tərəfindən Sınaq Qiymətləndirilməsinin nəticələrinə əsasən dərs yükünün bölünməsi üçün xüsusi elektron proqram hazırlanıb. Yeni tədris ilindən pilot layihə olaraq 20 məktəbdə sınaqdan keçirilir. Gələcəkdə BŞTİ-nin tabeçiliyində olan bütün məktəblərdə dərs bölgüsü bu proqrama əsasən aparılacaq.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
