“Bu gün Azərbaycan dünya miqyasında öz sözünü deyən ölkədir”.
Simsar.az xəbər verir ki, bunu prezident İlham Əliyev İsmayıllı rayonunda Mərkəzi Xəstəxananın kollektivi ilə söhbət edərkən deyib. Prezident bildirib ki, bizim siyasi iradəmiz ən yüksək kürsülərdə özünü göstərir: “Heç bir xarici qüvvə bizim iradəmizə təsir edə bilməz. Bunun səbəblərindən biri bizim iqtisadi gücümüz və iqtisadi müstəqilliyimizdir. Əlbəttə, iqtidarın siyasi iradəsi kifayət qədər möhkəmdir. Xalq ilə iqtidar arasındakı birlik əsas şərtdir. Yəni, bu, bizim müstəqil həyatımızı şərtləndirən əsas amildir. Eyni zamanda, iqtisadi müstəqilliyimiz”.
İ. Əliyev həmçinin əhalinin sağlamlığından da danışıb: “İnsanların sağlamlığını şərtləndirən bir neçə amil var. Onlardan birincisi əlbəttə ki, tibbi xidmətdir – vaxtında diaqnostikadan, müayinədən keçməkdir. Biz bu prosesləri bundan sonra da mütəmadi qaydada davam etdirəcəyik ki, hər bir insan gedib onda olan xəstəlikləri aşkar etsin və gözəl tibbi xidmət görsün”.