ABŞ İŞİD-in Suriyadakı mövqelərini havadan vurarkən, İŞİD Kobani şəhərinin mühasirəsini daraltmağa davam edir.
Demokratik Birlik Partiyası (PYD) nəzarətindəki şəhər, 3 istiqamətdən – şərq, qərb və cənubdan mühasirəyə alınıb. Son 5 gündə Kobani və ətrafındakı kəndlərdən 200 min nəfər Türkiyəyə sığınıb. “Döyüşlər şəhərin 3-4 km yaxınlığına çatıb. Kobani bir iki günə qədər təslim ola bilər” deyən BMT təmsilçisi Rupert Colville, Kobaninin bütünlüklə İŞİD-in əlinə keçməsindən qorxduğunu dilə gətirib.
Kürdlər Əbubəkirə biət etməlidirlər
İŞİD-in hücumları əsasən iki xəttdən davam edir. Birinci xətt, Kobaninin şərqindəki Tel-Abyad, ikinci xətsə cənubdakı Sarindir. Sarin İŞİD-in əsas əməliyyat mərkəzidir. Şəhəri müdafiə edən YPG-nin əlində isə İŞİD-in istifadə etdiyi silahlardan yoxdur. İŞİD-in mühasirəyə aldığı Kobanidən tək çıxış Türkiyə istiqamətindədir. New-York Times qəzetinə açıqlama verən Kobaninin yrli liderlərindən Ömər Alluş, bir İŞİD liderinin telefonla ona zəng edərək, Kürdlərin Əbubəkir əl-Bağdadiyə biət etməsini istədiyini deyib.
Vüsal Qarayev