AMEA-nın akademik Z. Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin böyük elmi işçisi, tarix üzrə fəlsəfə doktoru Cavid Qasımov sentyabrın 25-dən 27-dək Türkiyənin Ərzurum şəhərində Birinci Dünya müharibəsinin 100 illiyinə həsr olunan beynəlxalq simpoziumda iştirak edəcək.
Simsar.az xəbər verir ki, simpoziumda Birinci Dünya müharibəsi illərində Qafqaz cəbhəsində, o cümlədən Azərbaycanda baş verən hadisələr, türk-müsəlman əhaliyə qarşı erməni daşnakları tərəfindən aparılan soyqırımı ilə bağlı məruzələr dinləniləcək.
Şərqşünas alim Cavid Qasımovun beynəlxalq tədbirdə “Birinci Dünya müharibəsi dövründə Nargin adasında saxlanılan türk əsirlərlə bağlı Azərbaycanda aparılan elmi araşdırmalar” mövzusunda məruzəsi dinləniləcək.