Səhiyyə Nazirliyi sentyabrın 27-də Dənizkanarı Milli Parkda “Sağlamlıq yürüşü!” adı altında marafon keçirəcək.
Səhiyyə Nazirliyinin mətbuat xidmətindən Simsar.az-a verilən məlumata görə, sentyabrın 29-da bütün dünyada “Dünya Ürək Günü” kimi qeyd olunduğundan bu marafon ürək xəstəlikləri ilə mübarizəyə həsr olunub. İnsanları sağlam həyat tərzi aparmağa, idmanla məşğul olmağa çağıran həmin marafonda beş yüzə yaxın insanın iştirak edəcəyi nəzərdə tutulub. Yürüş qalibləri mükafatlandırılacaq.
Azərbaycan Respublikasının Səhiyyə Nazirliyi əmindir ki, bu kimi tədbirlər gələcəkdə də əhaliyə öz sağlamlığına diqqət yetirməyi və sağlam həyat yaşamaq fikrini aşılayacaq.
Simsar.az