Rusiyanın VTB bankı Ukraynada baş verən böhran səbəbindən 674 milyon dollar ziyan edib.
Simsar.az-ın məlumatına görə, Ukrayna böhranı və Qərb ölkələrinin sanksiyaları Rusiyanın ən iri banklarından olan VTB-ni bu il 674 milyon ziyan etməsinə səbəb olub.
Putinlə görüşən VTB rəhbəri Andrye Kostin deyib ki, Ukrayna böhranı səbəbindən 674 milyon zərərdəyik. Gələn il bu ziyan ikiqat artacaq.
Putin isə mövcud problemlərə baxmayaraq, Rusiya banklarının Ukraynada fəaliyyətlərini davam etdirmələrinin vacib olduğunu bildirib: “Rusiya bankları Ukraynada bu sektorun yüzdə 36-nı təşkil edir. Biz bunu dayandırsaq Ukrayna iqtisadiyyatı əlavə gəlir əldə edə bilməyəcək”.
Qeyd edək ki, Rusiyanın ikinci böyük bankı olan VTB, “The Banker”in siyahısında ilk min bank içərisində 222-cidir. VTB Rusiyadan başqa Orta və Şərqi Avropada, həmçinin Orta Asiyada da fəaliyyət göstərir.
Vüsal Qarayev