Şairdlər “3” qiymətinə görə 18 nömrəli məktəbə qəbul olunmur
Paytaxtın Mikayıl Müşfiq adına 18 nömrəli məktəbində bəzi şagirdlər qiymət kitabçasında “3” qiyməti olduğu üçün məktəbə qəbul edilmir.
Övladı məktəbə qəbul edilməyən Yelana Mirzəyeva şikayətində bildirib ki, oğlu Yusif Mirzəyev bu il ikinci sinifdə təhsil almalıdır.
Lakin məktəbdən ona bildirilib ki, Yusifin qiymət kitabçasında “3” qiyməti olduğundan onu məktəbə qəbul edə bilməzlər.
“Məktəblərin açılmasından 7-8 gün keçib, lakin mənim övladım hələ məktəbə qəbul olunmayıb”.
Məsələ ilə bağlı Bakı Şəhər Təhsil İdarəsi ilə əlaqə saxladıq. Amma BŞTİ-dən sorğumuza cavab verən tapılmadı.
18 nömrəli məktəbin direktoru Səkinə Məmmədova belə bir hadisənin baş verdiyini təsdiqlədi.
“Yusif Mirzəyevin valideyni bizə 15 sentyabrda müraciət edib. Biz ona demişik ki, bizdə əmr var – istər birinci, istər “15-ci sinif” olsun qəbul edə bilmərik. Məktəbimizin qanunvericiliyinə görə, sentyabrın 15-dən oktyabrın 5-ə qədər məktəbə qəbul dayanır. Oktyabrın 5-dən sonra buyurub gəlsinlər. Bura xalqın məktəbidir, niyə qəbul etməyək?!”
Qeyd edək ki, şagirdlərin “3” qiymətinə görə, 18 nömrəli məktəbə qəbul edilməməsi ilə bağlı Simsar.az-a bir neçə şikayət daxil olub.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
