Gürcüstan Baş Prokurorluğu ölkənin keçmiş prezidenti Mixail Saakaşvilinin xarici banklarda olan hesablarının dondurulması ilə bağlı qərar çıxardıb.
Simsar.az-ın yerli mediaya istinadən verdiyi məlumata görə, prokurorluqdan bildirilib ki, bir çox cinayətdən ittiham olunan və haqqında qiyabi həbs-qətimkan qərarı verilən Saakaşvilinin əmlakının müsadirə edilməsi ilə bağlı isə artıq məhkəmə hökmü verilib.
Açıqlamada o da qeyd olunub ki, Saakaşvili vəzifəsindən sui-istifadə edərək 5 milyon dollar mənimsəyib.
Keçmiş prezidentin Gürcüstana verilməsi ilə bağlı qərarın çıxarılmasına isə hazırlıq gedir.
Xatırladaq ki, haqqında qiyabı həbs qərarı olan Saakaşvili 2007-ci ildə müxalifətin mitinqini güc tətbiq edərək dağıtmaqda, bir televiziya rəhbərinin var-dövlətini mənimsəməkdə, korrupsiyada ittiham olunur.
ABŞ-ın “New York Times” qəzeti isə yazır ki, 2013-cü ildən Gürcüstanı tərk edən Saakaşvili ABŞ-ın zənginlər məhəlləsində - “Williamsburg”da lüks sürgün həyatı sürür.
Qarayev Vüsal