“Azərbaycan” İntellektual Oyunlar Klubu bu bazar günü Azərbaycan və rus dillərində keçirilən “Nə? Harada? Nə zaman?” oyunun idman versiyası üzrə premyer liqasını bərpa edir . Ənənəyə sadiq qalaraq mövsüm “Açılış Turniri” ilə başlayacaq.
Açılış turniri 21 sentyabr saat 12:00-da “Şərq” otelində baş tutacaq. Turnirin sual paketi 36 sualdan ibarət olacaq. Sual paketinin müəllifləri bu sahə üzrə kifayət qədər ixtisaslaşmış Babək Qasımzadə, Elşən Quliyev, Fədai Məmmədov, Asim İbrahimli, Soltan Zahidov və Əlvan Abdulladır. Turnirdə qalib gəlmiş komandalar hədiyyə və sertifikatla təltif olunacaqlar.
Qeyd edək ki, “Azərbaycan” İntellektual Oyunlar Klubu 29 aprel 2012-ci ildə yaradılıb. Fəaliyyət dövrü müddətində klub paytaxt və regionlarda davamlı olaraq müxtəlif intellektual oyunlar, turnir və çempionatlar təşkil edib. Artıq 3-cü mövsümdür ki, AİOK-un təşkilatçılığı ilə universitetlərarası Azərbaycan və rus dillərində sinxron çempionat keçirilir.
Eyni zamanda klub Azərbaycan İntellektual Klublar Assosiasiyasının üzvüdür.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
