“Rusiya qonşu ölkələrin suverenliyini pozaraq güc yolu ilə sərhədlərini genişləndirir”.
Simsar.az-ın məlumatına görə, bunu NATO-nun Avropadakı qoşunlarının komandanı Flipp Bridlav “Azadlıq” radiosuna açıqlmasında deyib.
F. Bridlav bildirib ki, Rusiya təkcə Ukraynanın deyil, bütün Avropanın təhlükəsizliyinə hədədir: “Avropanın uzun illər apardığı işlərə baxmayaraq, son 70 il ərzində Rusiya bölgədə gərginlik yaratmaqla məşğul olur. Həmçinin, Rusiya qanunsuz olaraq başqa əraziləri ilhaq edir”.
Onun sözlərinə görə, əldə olunan sülh razılaşmasına baxmayaraq, Rusiya hələ də Ukrayna ərazisindən öz hərbi birləşmələrini çıxarmayıb: “Ukraynada Rusiyaya məxsus 10 tabor separatçıların döyüş aparmasına dəstək verirdi. Donbassda hələ də 4 tabor qalmaqdadır. Oradan çıxarılan birləşmələr isə sərhəd ərazidə yerləşdirilib və hər zaman Donbass ərazisinə qayıtmaq üçün əmr gözləyirlər. Hazırda Rusiya Ukraynaya qarşı hibrid müharibəsi aparır”.
Simsar.az