Bu gün Bakının və bölgələrin bir neçə rayonunda qaz olmayacaq. “Azəriqaz” İB-nin İctimaiyyətlə əlaqələr şöbəsindən Simsar.az-a verilən məlumata görə, buna səbəb qaz nəqli sistemində və qaz təchizatı şəbəkəsində təmir-quraşdırma işlərinin aparılmasıdır.
Bununla əlaqədar bu gün saat 13:00-dək Nərimanov, saat 17:00-dək Xaçmaz, Xətai və Suraxanı, saat 18:00-dək Zərdab, Lənkəran, Siyəzən, Qaradağ, Şəmkir, Xəzər, Qazax, Gədəbəy, işlər başa çatanadək isə Səbail rayonlarının bir hissəsinə təbii qazın verilişində fasilələr yaranacaq.