Son günlər Bakıda fəaliyyət göstərən bəzi mağazalarda çörəyin bəzi çeşidlərinin qiymətini artırılması ilə bağlı xəbərlər yayılıb. Xüsusilə təndir çörəklərinin qiymətində artım baş verdiyi həmin çörəklərin 40 qəpikdən 50 qəpiyədək bahalaşdığı göstərilib.
Məsələ ilə bağlı İqtisadiyyat və Sənaye Nazirliyinə müraciət etdik. Nazirliyin mətbuat katibi Abbas Əliyev Simsar.az-a açıqlamasında bəzi KİV-lərdə çörəyin qiymətinin bahalaşması ilə bağlı yayılan xəbərlərin heç bir əsası olmadığını bildirdi.
Onun sözlərinə görə, İqtisadyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti çörəyin qiymətində dəyişiklik müşahidə edilməyib.
“Çörəyin qiymətinin bahalaşması ilə bağlı yayılan məlumatların heç bir əsası yoxdur”.-A.Əliyev deyib.
Qeyd edək ki, Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev mətbuata açıqlamsında sentyabr ayının əvvəlində ölkədə 1 milyon 440 min ton buğda istehsal olunduğunu bildirmişdi.
O, taxıl istehsalında azalma olduğunu təsdiqləsə də, ölkədə istənilən qədər taxıl ehtiyatının olduğunu vurğulamışdı.
Aysel Kərimova