BMT Ukraynanın cənub şərq bölgəsindəki münaqişə zamanı ölənlərin sayını açıqlayıb.
Simsar.az-ın məlumatına görə, ölkənin Donetsk və Luqansk vilayətlərində rusiyameyilli separatçıların silahlı müqavimət göstərməsi nəticəsində baş verən toqquşmalarda ölənlərin sayı 3100 nəfərə çatıb.
Sentyabrın 11-nə olan statistikaya əsasən, hərbi əməliyyatlar zamanı 3171 nəfər ölüb, 8061 şəxs isə yaralanıb. Ölənlərdən 27-si, yaralananların isə 56 nəfəri uşaqdır.
Münaqişə bölgəsindən məcburi qaydada ölkənin içərilərinə doğru köçənlərin sayı 262 900, qonşu ölkələrə qaçanların sayı isə 366 800 ötüb.
Xatırladaq ki, daha əvvəl BMT Donbass bölgəsində münaqişə gedən ərazilərdən qaçanların sayının 1 milyonu keçdiyi haqda açıqlma vermişdi.
Simsar.az