Ukrayna parlamenti münaqişə bölgəsi olan Donbassa xüsusi statusun verilməsinə dair qanun layihəsini müzakirəyə çıxaracaq.
Simsar.az-ın yerli mediaya istinadən verdiyi məlumata görə, Ali Radanın bu gün qapalı keçiriləcək iclasında münaqişənin aradan qaldırılması məqsədilə əldə olunan razılığa əsasən Donbassın hüquqi statusu ilə bağlı qanun layihəsi müzakirə ediləcək.
Adıçəkilən qanun layihəsinin müzakirəsindən sonra iclas açıq şəkildə öz işini davam etdirəcək.
Məlumatda o da qeyd olunub ki, Ali Radada “Amnistiya haqqında qanun” layihəsinin də müzakirəyə çıxarılması gözlənilir.
Qeyd edək ki, Donbass vilayətinin əsas hissəsi Ukrayna ərazisinə düşür (Donetsk, Luqansk və Dneprepetrovsk). Kiçik bir bölgəsi ilə Rastov vilayətinin Ukrayna ilə sərhəd hissəsini əhatə edir.
Simsar.az