Nuru paşanın rəhbərlik etdiyi Qafqaz İslam Ordusu və Azərbaycan Korpusunun Bakını erməni-bolşevik işğalından azad etməsinin 96-cı il dönümü ilə əlaqədar Bakı Əyləncə mərkəzində tədbir keçirilib. Simsar.az xəbər verir ki, tədbir iştirakçılarına “Yeni Yurd” Sosial İnkişaf İctimai Birliyininin istehsalı olan və Türkiyənin İstiqlal Savaşından bəhs edən “Torpaq uğrunda ölən varsa, Vətəndir!” sənədli filmi təqdim olunub
Təqdimat mərasimində Prezident Admnistarsiyasını məsul şəxsləri, Milli Məclisin deputatları, Azərbaycan Mətbuat Şurası (AMŞ) sədri, Türkiyənin Azərbaycandakı səfirliyinin nümayəndələri, Azərbaycan və Türkiyənin elm xadimləri, ictimai təşilatların ümayəndələri və media nümayəndələri iştirak edib.
Çıxış edənlər Azərbaycan-Türkiyə tarixi əlaqələrindən söz açıbalar. Bildiriblər ki, bundan sonra həm Azərbaycanın müstəqilliyi təmin olunub, həm də ermənilərin və bolşeviklərin Bakı və ətraf rayonlardakı ağalığına son qoyulub. Xüsusilə vurğulanıb ki, Bakının erməni-bolşevik işğalından azad edilməsi XX əsr Azərbaycan tarixinin ən şərəfli səhifələrindən biridir.
Qeyd edək ki, filmi gənc rejissor Azərbaycan Peşəkar Kinorejissorlar Gildiyasının üzvü Elşən Zeynallı çəkib.
Hüseyn İbadlı