Liviyada qaçaqları aparan gəminin batması nəticəsində 164 nəfər itkin düşüb. İnsan qaçaqçılarının gəmini qəsdən batırdığı bildirilir.
Paytaxt Trablus sahillərində 250 nəfər qaçağı daşıyan gəminin batdığını Liviya Dəniz Qüvvələri təmsilçisi açıqlayıb. Təmsilçi gəmidən 3-ü hamilə qadın, 36 nəfərin xilas edildiyini, itkin düşən 164 nəfərin sağ qalacağına isə ümidlərin kəsildiyini deyib.
Xilas edilənlərdən bəziləri insan qaçaqçılarının öz aralarında anlaşa bilmədikləri üçün gəmini qəsdən batırdıqlarını iddia ediblər.
Qeyd edək ki, Afrikadan Avropaya çörək dalınca getməyə çalışan minlərlə qaçaq gəmilərin batması səbəbindən ölür.
Vüsal Qarayev