Türkiyənin baş naziri Əhməd Davudoğlu ötən gün yerli “24 TV” telekanalının qonağı olub. Simsar.az-ın xəbərinə görə, baş nazir ölkənin tanınmış jurnalistləri Mustafa Karaalioğlunun və Akif Bekinin suallarına cavab verib.
Mətbuatda yayılan bir xəbəri şərh edən Davudoğlu 6 günlük övladını itirdiyini açıqlayıb.
“Keçən gün bir kədərli ata ilə səmimi görüşümüz oldu. Sonra, “Kədərli atadan baş nazirə etiraz” – deyə bir xəbər yayıldı. Belə bir dialoq olmayıb. O ataya təşəkkür edirəm ki, sonradan açıqlama verərək aramızda belə bir danışıq olmadığını deyib. Belə xəbərləri kim hazırlayır?
Məndə 6 günlük övladımı itirdim. Malaziyada işləyəndə belə bir hadisə yaşadıq. O hadisə hələ də mənə dərddir. Kədərli ana və atanın şikayət etməyə haqqı var”.