40 gün əvvəl erməni kəşfiyyat-təxribat qrupları tərəfindən cəbhənin ön xəttində yerləşən mövqelərimizdəki postlara növbəti basqın zamanı düşmənin hücumunu dəf edərkən şəhid olmuş gizirlər- Rahil Əfsər oğlu Hüseynov, Pərvin Səlahəddin oğlu Əliyev və onların həmkəndliləri Anar Vidadi oğlu Qarazadə doğulduqları Biləsuvar rayonunun Nərimankənd kəndində dəfn ediliblər.
Azərbaycan Respublikasının müdafiə naziri, general-polkovnik Zakir Həsənovun müvafiq əmrinə əsasən, hər üç şəhid göstərdikləri şücaət və rəşadətə görə ölümlərindən sonra “Hərbi xidmətdə fərqlənməyə görə” 3-cü dərəcəli medalı ilə təltif olunub.
Azərbaycan Respublikası ərazilərinin Ermənistan silahlı qüvvələrinin işğalı nəticəsində itki və tələfatların qiymətləndirilməsi üzrə igid döyüşçülərimizin şəhidlik zirvəsinə yüksəlmələrindən ötən 40 gün müddətində onların qəbirlərinin üstü mərmərlə götürülüb və məzarüstü abidələri qoyulub.
Şəhidlərimizin 40 mərasimində Biləsuvar Rayon İcra Hakimiyyətinin, rayonun hüquq mühafizə orqanlarının rəhbərləri, din xadimləri, şəhidlərin doğmaları, ictimaiyyət nümayəndələri və igid döyüşçülərin xidmət etdikləri hərbi hissənin təmsilçiləri iştirak ediblər.
Biləsuvar Rayon İcra Hakimiyyətinin başçısı Mahir Quliyev və Milli Məclisin deputatı, professor Xanhüseyn Kazımlı mərasimdə çıxış edərək Vətən yolunda şəhid olan igid döyüşçülərimizin qanının yerdə qalmayacağını bildiriblər.
Şəhidlərimizin ruhuna dualar oxunub, ehsanlar verilib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
