Bağla
Mən artıq bəyənmişəm!
solbanner
    
Simsar.az | bizi özünüzə Simsar bilinazem.az Tutu dieta

Oqtay Mirqasımovun filmi Beynəlxalq festivalda qalib oldu

Oqtay Mirqasımovun “Qisas almadan ölmə. Keçmişdən məktublar” filmi X Kazan Beynəlxalq Müsəlman Kino Festivalında “Tammetrajlı bədii filmin ən yaxşı rejissor işi” nominasiyasında qalib olub.

Simsar.az Tatarıstan KİV-lərinə istinadla xəbər verir ki, kinofestivalın bağlanış mərasimində kinofestivalın qaliblərinin adları açıqlanılıb. Xorvatiyalı rejissorun “Həlimənin yolu” filmi “Ən yaxşı tammetrajlı bədii film” hesab edilib. Bu nominasiyada qələbə uğrunda daha 9 film mübarizə aparırdı.

“Tammetrajlı bədii filmin ən yaxşı rejissor işi” nominasiyasında rejissor Oqtay Mirqasımovun (Azərbaycan) “Qisas almadan ölmə. Keçmişdən məktublar” filmi və rejissor Salem Salavatinin (İran) “Keçən il qışda” filmləri qalib olublar.

Braziliyalı rejissor Marsio Kurinin “Son dayanacaq” filminin ssenarisi tammetrajlı bədii filmin ən yaxşı ssenarisi hesab edilib.

Belarusdan olan rejissor Andrey Qrebenkinin “Babu” filmində çəkilən Tamara Mironova tammetrajlı bədii filmdə ən yaxşı qadın roluna görə mükafata layiq görülüb.

“Ən yaxşı tammetrajlı sənədli film” nominasiyasında İtaliya və Əfqanıstan kinematoqraflarının “Əfqanıstan 2014 - təfərrüatları ilə” filmi seçilib.

Rejissor Sufian Berriçinin “Kaliforniyalı müsəlmanlar” filmi ən yaxşı qısametrajlı sənədli film nominasiyasında Fransaya mükafat qazandırıb.

Rejissor Faysal Soysalın (Türkiyə) “Dörd yol ayrıcında” filmi “TÜRKSOY” Beynəlxalq Türk Mədəniyyəti Təşkilatının xüsusi mükafatına layiq görülüb.

Rusiya kinoşünaslar və kino tənqidçiləri gildiyasının diplomu “Şəxsi yer” filminə ( rejissor Camal Əl-Qhaylan, Bəhreyn Krallığı) verilib.

 

Günel







12 Sentyabr, 2014  17:56 Baxılıb: 1077 Çap

Bu bölmədə


XƏBƏR LENTİ

26 Aprel, 2024  16:32


26 Aprel, 2024  13:10

25 Aprel, 2024  15:16







19 Aprel, 2024  12:55





18 Aprel, 2024  11:04




17 Aprel, 2024  13:36


17 Aprel, 2024  11:54







16 Mart, 2024  15:23










21 Fevral, 2024  14:10

20 Fevral, 2024  16:43






31 Yanvar, 2024  16:58



24 Yanvar, 2024  13:15

sagbanner