Simsar.az xəbər verir ki, Müsavat Partiyasının sədri İsa Qəmbər QHT sektorundakı son həbslərə münasibət bildirib. O, deyib: "Hakimiyyətin repressiyalarının qarşısını almaq üçün iki əsas resurs var. Bunlar cəmiyyətin və beynəlxalq birliyin mövqe ortaya qoymasıdır. Ən azı Azərbaycan bir sıra beynəlxalq təşkilatların üzvüdür və o təşkilatlar qarşısında üzərinə götürdüyü öhdəlikləri yerinə yetirməlidir. Beynəlxalq təşkilatlar da bunu tələb etməlidirlər. Biz bu resursları hərəkətə gətirmək üçün demokratik düşərgəni, ilk növbədə siyasi partiyaları aktivləşdirməliyik. Mübarizənin ağırlığı partiyaların üzərinə düşür və bu yükü öz üzərinə götürməlidirlər. Müsavat Partiyası da digər siyasi qüvvələri bu prosesə cəlb edərək zəruri addımlar atır".
Hüseyn İbadlı