“Ötən il məişət zorakılığı zəminində 710 nəfər zərərçəkmiş şəxs qeydiyata alınıb”. Bunu Simsar.az-a açıqlamasında Ailə, Qadın və Uşaq Problemləri üzrə Dövlət Komitəsinin (AQUHDK) Analitik Araşdırmalar və İnformasiya şöbəsinin müdiri Elgün Səfərov deyib.
Onun sözlərinə görə, həmin hadisələrlə əlaqədar cianyət işi açılıb və məlub olub ki, məişət zorakılığına məruz qalanlardan 543 nəfəri qadınlar, 6 nəfəri 18 yaşına çatmamış qız, 1 nəfər hamilə qadın olub.
Komitə rəsmisi bildirib ki, mövcud statistika Azərbaycanda məişət xarakterli zorakılıqlara daha çox qadınlar məruz qaldığını göstərir.
Məişət zorakılıq formalarının daha çox şəhərlərdə baş verdiyini deyən E.Səfərov belə hadisələrdə mübarizə üçün baçlıca olaraq maarifləndirmənin gücləndirilməsk, risk altında olan ailələr siyahıya almaq və onları mütəmadi olaraq nəzarət altında saxlamaq lazımdır ki, bu cür faktlar yenidən təkrarlanmasın.
Komitə rəsmisi bildirib ki, bu məqsədlə bütün ölkə ərazisində müavifiq qurumların nümayəndələrinin iştirakı ilə tədbirlər keçirilir.
Tədbirlərdə qanunun icrasında problem yaradan hallar müəyyən edilir, onların aradan qaldırılması məqsədilə müvafiq qurumların iştirakı ilə tədbirlər görülür.
Aysel Kərimova