İranda “ölümdən döndü” ifadəsinin bəlkə də ən bariz nümunəsi yaşanıb. Belə ki, İranda törətdiyi cinayətə görə, ölüm hökmü verilən 2 məhkum, edamlarının həyta keçriləcəyi gün, edama saatlar qalmış bağışlanıblar.
Bəndər Abbas Mərkəzi Həbsxanasının müdiri Hasan Mürsəlpur “Həbsxanamızda 6 ayda, 6 ölüm cəzası bağışlanıb”, - deyib. Müdir bildirib ki, edam olunacaq şəxslərin bağışlanmalarına səbəb, şikayətçi tərəfin onları bağışlaması olub.
Beynəlxalq Əfv Təşkilatına görə, İran dünyada edam cəzasının ən çox həyata keçrildiyi 5 ölkədən biridir. BMT İranda 2014-cü ildə ikisi qadın olmaqla, ən azı 170 nəfərin edam edildiyini açıqlayıb.
Vüsal Qarayev