Türkiyənin İŞİD-lə beynəlxalq mübarizənin mərkəzinə çevriləcəyi güman edilir. Belə ki, son bir həftədə İraq və Suriyada İŞİD-lə beynəlxalq mübarizə çərçivəsində, ABŞ-dan ikinci nazir Türkiyəyə səfər edəcək.
Simsar.az xəbər verir ki, ABŞ Müdafiə Naziri Hageldən sonra, indi də Xarici İşlər Naziri Con Kerri Ankaraya gədəcək. Kerrinin Türkiyəyə sabah səfər edəcəyi gözlənilir.
Məlumat verdiyimiz kimi Kerrinin, İŞİDlə mübarizə məsələsində Orta Şərqə səfəri davam edir. İraq və İordaniyanı ziyarət edən nazir bu gün Səudiyyə Ərəbistanındakı İŞİD-ə qarşı mübarizə zirvəsində iştirak edəcək və ordan da Türkiyəyə yollanacaq.
Türkiyə bu mübarizədə könülsüz görünür
ABŞ prezidenti Barak Obama bu səhərki çıxışında, İŞİD-lə mübarizədə beynəlxalq koalisiyanın yaradılacağını bildirmişdi. İraq və Suriya ilə sərhəd olan Türkiyə, ABŞ tərəfindən İŞİD-lə mübarizədə ən önəmli ölkələr arasında göstərilir. Rəsmi Ankara isə koalisiyaya dəstək vermək istəsə də, ABŞ-ın hava zərbələrinə könülsüz yanaşır.
Vüsal Qarayev