Naxçıvan Muxtar Respublikasında yeni iqtisadi layihələr həyata keçirilir.
Simsar.az xəbər verir ki, bu barədə Muxtar respublikanın İqtisadiyyat və Sənaye Nazirliyi məlumat yayıb. Nazirlikdən verilən məlumata görə bu ilin ötən 8 ayında bu istiqamətdə işlər uğurla davam etdirilib, Sahibkarlığa Kömək Fondunun və sahibkarların şəxsi vəsaiti hesabına müxtəlif təyinatlı istehsal və xidmət sahələri yaradılıb. Köynək, uşaq bezi, laminad örtüklü iş masası lövhəsi, melamin lövhə və PVC örtüklü parlaq lövhə, ətin konservləşdirilməsi, meyvə-tərəvəz qurutma, fərdi quşçuluq, tərəvəz, limon məhsullarının yetişdirilməsi üçün istixana kompleksi, bərk pendir, kompot, unlu-qənnadı məmulatların, qazlı-şirəli içkilərin istehsalı, həmçinin xidmət sahələri olmaqla, ümumilikdə, 28 sahə üzrə işlər başa çatdırılıb.
Məlumatda qeyd edilir ki, plastik qapı-pəncərə, kompot, südün emalı və xama, qarışıq yem, fərdi quşçuluq və maldarlıq kompleksi, həmçinin müxtəlif növ xidmət sahələri olmaqla, 31 sahə üzrə işlər davam etdirilir.