“İsrail dünya bazarında Azərbaycan neftinin əsas alıcılarından biridir”.
Bunu Simsar.az-a Beynəlxalq munasibətlər üzrə ekspert, Hayfa Universitetinin doktorantı Arye Gut deyib.
İsrailin müdafiə naziri Moşe Yaalonun Bakıya gəlməsinə münasibət bildirən ekspert bildirib ki, bu, ilk tarixi səfərdir: “Azərbaycan-İsrail münasibətləri hər iki ölkə və hər iki xalq üçün mühüm strateji xarakter daşıyır. İsrailin müdafiə nazirinin səfəri bu münasibətlərin inkişafında yeni səhifə açır. İsrail dünya bazarında Azərbaycan neftinin əsas alıcılarından biridir. İsrail Azərbaycanın mühüm strateji tərəfdaşıdır, eləcə də bu ölkəyə neft-qaz, müdafiə, telekommunikasiya, kənd təsərrüfatı sahələrində mövcud olan ən qabaqcıl texnologiyaların tədarükçüsüdür”.
“Münasibətlərdə əhəmiyyətli yeri dövlətlərarası siyasi münasibətlər tutur ki, bu münasibətlər də İsrail baş naziri Benyamin Netanyahu və Azərbaycan Prezidenti İlham Əliyevin səmimi münasibətlərində öz təzahürünü tapır. İsraildə Azərbaycanın prinsipial və müstəqil xarici siyasət davranışları yüksək qiymətləndirilir” – Arye Gut belə deyib.
Hüseyn İbadlı