Bakı Metropolitenində qatarlar sentyabrın 15-dən etibarən qış qrafikinə uyğun hərəkət edəcək.
“Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəhbəri Nəsimi Paşayev bildirib ki, yeni dərs ilinin başlanması ilə bağlı sərnişin sıxlığı yaranacağı təqdirdə bu tarix 1-2 gün qabağa da çəkilə bilər. Yay vaxtı xəttə 24 qatar buraxılırdısa, qış qrafikinə əsasən, onların sayı 30-a çatdırılacaq. Beləliklə, qatarlar arasında interval azalacaq və sərnişin sıxlığı nəzərə alınmaqla, 1,5-2,5 dəqiqə təşkil edəcək.
Bundan başqa, “Elmlər Akademiyası” stansiyasında əsaslı təmirə dayandırılmış eskalator da sərnişinlərin istifadəsinə veriləcək.
Vüsal Qarayev