“Oazis” restoranında baş verənlərlə bağlı Binəqədi rayon Polis İdarəsi hadisə yerinə baxış keçirərək maddi subutlar götürüb. Çoxsaylı şahidlər dindirilərək, müvafiq ekspertizalar təyin olunub.
İnsidentlə bağlı kütləvi informasiya vasitələrində və sosial şəbəkələrdə yayımlanan videogörüntülər cinayət işinin materiallarına əlavə olunub.
Baş Prokurorluqdan Simsar.az-a verilən məlumata görə, həyata keçirilən istintaq hərəkətləri və əməliyyat-axtarış tədbirləri nəticəsində Abdullayev Ravid Yusif oğlu, restoranda mühafizəçi işləyən Məmmədov Camal Mahir oğlu və ofisiant Adıgözəlov Kənan Mehman oğlu cinayəti törətməkdə şübhəli şəxs qismində tutularaq istintaqa cəlb olunublar.
Onlara Cinayət Məcəlləsinin 221.2.1-ci maddəsində nəzərdə tutulan ittiham elan edilmiş və barələrində məhkəmənin qərarı ilə həbs qətimkan tədbiri seçilib.
Hazırda iş üzrə cinayətin digər iştirakçılarının tapılması üçün zəruri istintaq tədbirləri davam etdirilir.
Qeyd edək ki, sentyabrin 2-də saat 02 radələrində Binəqədi rayonunda fəaliyyət göstərən “Oazis” restoranında müştərilərlə restoranın işçiləri arasında yaranan münaqişə zamanı Zaur Əsgərov və digər şəxslər bədən xəsarətləri almışdı. Fakta görə rayon Polis İdarəsinin İstintaq şöbəsində Cinayət Məcəlləsinin 221.2.1 (xuliqanlıq, bir qrup şəxs tərəfindən törədildikdə) və 221.3-cü (xuliqanlıq, silah və ya silah qismində istifadə edilən əşyaları tətbiq etməklə törədildikdə) maddəlləri ilə cinayət işi başlanmışdır.
Ülviyyə
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
